هاد الموضوع لرفع معنويات طلاب التوجيهي ههههه

اد الموضوع لرفع معنويات طلاب التوجيهي ههههه

أنا مش بس طالب توجيهي .. .أنا التوجيهي طالبني كمان

الكل بيقلي خليك بدراستك ...فش زي الشهادة بهالزمان

انسى الطشات والسهرات.. .كأنك سجين والكتاب هو السجان

لا تشوف قرايب ولا صحاب ... لا تروح عالمطعم ولا عالدكان

اتغدى قوانين واتعشى معادلات... واشرب كاس من مرارة الامتحان

لا تلفزيون ولا كمبيوتر ... ولا حتى تلعب مع واحد حيوان

حتى الروحة على الحمام ... قبلها استدعى وبعدها اصدار بيان

نام متأخر واصحى مبكر.. .وجهك غسل واحلق بمعجون سنان

كامل فاضل ادرس ناضل ...قلمك حامل في وجه العدوان

ثابر تابع دراستك راجع ... لربك راكع انت وحدك كسبان

داوم واجه المشاكل قاوم ...كون عالم بعمرك ما بتنهان

ازا نجحت بتنفع حالك ... وازا بترسب ما بينفعك انسان

وقت الجد جد ومافي مزح ...انت مش عايش بعصر الرومان

امشي مع شباب درّيسة ... وسيبك من شلة الزعران

روّح على الدار طوّالي ... وفكك من معاكسة النسوان

هو صحيح الشغلة بتسلي ... بتشفي العليل وبتفرح الزعلان

بس التوجيهي تحدي ... ما بفوز فيه الا الزكي الفهمان

بكرة بتقول يا ريتني درست ... يا ريتني سمعتك وما كان اللي كان

أبوك بيقولك : يابا ياحبيبي ...ازا بتنجح بسفّرك ع الصين وعاليابان

وبجيبلك سياره اخر موديل ... فراري ,(( بي ام )), او حتى نيسان

وازا بتحب بجوزك أحلى بنت...حتى لو كانت بنت كوفي عنان

انت بس انجحوارفع راسي... ولا تفضحني بين الأهل والأخوان

ركّز بالحصة مع استازك ... تقضّيهاش لعب وسرحان

وبينزل فيك نصايح ... تقول واقف قدام لقمان

يا طلاب التوجيهي الأعزّاء .. .احلفكم بالله وبالأنبياء وبالقرآن

فش أحلى من النجاح ... حتى لو بيقلّعلك عين أو بيطيّرلك دان

لا ترسب وتعيد السنة ... تخلّيش واحد يكون فيك شمتان

بلاش تكون آخرتك بويجي ... أو صاحب بسطة أو بيّاع دخّان

مع تمنياتي للجمييع بالنجاح والتوفيق بالتوجيهي

هههههههههههههههههههههه
والله كانك عم بتوسع بالجرح هههههه

اصلا لو ماما بتعرف اني ع النت كان بدات بهادل الها اول وما الها اخر
خخخخخخخخخخخخخخ

يسلموووووو

موضوع مميز

امشي مع بنات درّيسة ... وسيبك من شلة الزعران
والله هيذي احلى نصيحة بتقدمها مع اني انا مو بحاجة والحمدالله ما عمرني صاحبت وحدة مشان مصلحة الدراسة لانه هيذي الشغلة تسمى قلة ادب مع احترامي الشديد للي بسووها بس كمان انا الحمدالله ارتحت كتييير بعد ما بعدت عن شلة بالمدرسة وهيذا تعليق طبعا عن النصيحة

انا الحمد لله اهلي ما كانو يحكولي ولا نصيحه من هدول لاني كنت واعي بس امي كانت تدعيلي الله يبعد عنك اولاد وبنات الحرام ههههههههههههههههه والله بعده صوتها معشش في داني لحد الان وبس اتزكر بفرط من الضحك

ههههههههههههههههه بس والله انها احلى دعوة لانهم بضروا كتييييييييييييييييييييييييييييير واكيد الله استجاب لدعوتها بما داعيتلك انت بالاخص هههههه

مو انا بتدعيلي بس كل واحد من اخواني لما كان توجيهي كانت تدعيله هههههههههه الله يخليلي اياها يارب ويحفظها

الله يخليلك الماما ويحفظلك اياها ولا تغلبها اووووووووووك .

من عيوني يا عسل

» رساله من شاب الى فتاه ولاكن احذر خطيره ههههه